Microsoft Office Access 2007 භාවිතා කරල Database එකක් හදමු - 03 කොටස

Input Mask

Input Mask එකක් කියන්නෙ table එකක filed එකකට ඇතුලත් කල හැකි හා නොහැකි අක්ෂර, පාලනයක් යටතේ, දත්ත ඇතුලත් කිරීමට සකසන ලද, පදගතාථ්ර්‍ (literal) සහ ව්‍යංගාර්ත (mask) අක්ෂර (characters) සමූහයක්.
සරලව කියනවා නම් telephone numbers ඇතුලත් කිරීමට input mask එකක් (000) - 000 0000 ලෙස හදනවානම් [(032) - 222 2222] එහි numbers පමණයි ඇතුලත් කල හැකි. තවත් උදාහරණයක් විදියට දිනයක් ඇතුලත් කිරීමට input mask එක DD-MMM-YYYY (Ex: 21-FEB-2012) ලෙස සැකසුවොත් ඒ අදාල පිලිවෙළට පමණයි ඒ field එකේ දත්ත ඇතුලත් කල හැක්කේ. (DD කියන තැන ඉලක්කම් හැර වෙන කිසිම අක්ෂරයක් ඇතුලත් කරන්න බැරි වෙනවා. MMM කියන තැන අකුරු හැර ඉලක්කම් ලබා දෙන්න බැහැ).

මේ තැන ගැන උදාහරණයක් සමග කියල දුන්නොත්, අපි හිතමු එක සමාගමක කම්කරුවන්ගෙ හඳුනා ගැනීමේ අංක (ID numbers) සඳහා input mask එකක් හදන්න අවශ්‍යයි කියල. ඔවුන්ගේ හඳුනා ගැනීමේ අංක සෑදෙන්නෙ EMP001, EMP002, EMP003,.......... කියන ආකාරයට. හඳුනා ගැනීමේ අංකවල EMP කියන අක්ෂර 3 කම්කරුවන් අතර වෙනස් නොවුනත් EMP අක්ෂර 3ට පසුව යෙදෙන 000 කියන එක එක් එක් කම්කරුවාට වෙනස් වෙනවනෙ. මේ input mask කියන තැනේදී 0 (0 වෙනුවට 9 යොදන්නත් පුලුවන්) යෙදීමෙන් අදහස් කරන්නෙ ඒ තැන, විචල්‍ය ඉලක්කමක අගයක් කියන එකයි. විචල්‍ය වූ පලියට එතැන ඉලක්කමක් නොවන වෙනත් අක්ෂරයක් යොදන්න බැහැ. ඒ වගේම එතැන 0 (හෝ 9) තුන්වතාවක් යෙදුවොත් (EMP000) ඒතැන ඉලක්කම් 3ක් පමණයි යොදන්න පුලුවන් (ඒ කියන්නෙ අප ඉහතදී input mask හඳුන්වා දුන් විදියට, දැනටමත් ඇතුලත් කල යුතු දත්ත, පාලනයකට යටත් වෙලා)

තවත් උදාහරණයක්
telephone numbers ඇතුලත් කරන්න (032) 123-4567 ආකාරයට input mask එකක් නිර්මාණය කරනවනම් (000) 000-0000 ආකාරයට නිර්මාණය කරගන්න පුලුවන්. මෙහි යෙදී තියෙන ( ) -  ආදී සලකුණාක්ෂර කිසිම වෙනසක් නොවී 0 ඉලක්කමට පමණක් ඇතුලත් කරන ඉලක්කම ආදේශ වෙනවා.


Input Mask එකක් හදන්න "Table Field" එකේ "Data Type" එක "Text' ලෙස තෝරා දිය යුතුයි. එසේ තෝරා දී තිබුනොත් පමණයි, input mask එකක් නිර්මාණය කර ඇතුලත් කල හැකි වෙන්නෙ.

එසේ තෝරා දී ඊතලයේ පෙන්වා දී තියෙන තැන තියෙන button එක click කලාම බොහෝ දුරට අපට නැවතත් tabel එක save කල යුතු වෙනවා.









ඊටපස්සෙ මතුවෙන එන window එකේ දැනට පෙර නිර්මාණය කරන ලද input mask කිහිපයක් තියෙනවා. නමුත් අපට අවශ්‍ය විදියේ input mask එකක් හදාගන්න උවමනානම් "Edit List" උඩ click කරන්න.












මතුවෙන window එකේ රූපයේ ඊතලයෙන් පෙන්වල තියෙන තැන click කරන්න.

Description - input mask එකේ නම
Input mask - නිර්මාණය කරන input mask එක
Place holder - විචල්‍ය දත්ත ඇතුලත් කල හැකි හිස් ස්ථාන පෙන්වීමට යොදන සළකුණ ලබාදෙන්න පුලුවන් මෙතැනදී.
Sample Data - අප නිර්මාණය කල Input Mask එක අත්හදා බලන්න.





ඊටපස්සෙ මේ window එක "Close" කලාම පිවිසෙන පෙර window එකෙන් අප නිර්මාණය කල input mask එක තෝරා දීල table එකට ඇතුලත් කරගත හැකියි.

(මේ කතා කරපු උදාහරණත් එක්ක නැගෙන ප්‍රශ්නයක් තමා ඉලක්කම් පමණක් වෙනස් වෙන විදියට (විචල්‍යයක් ලෙස) input mask එකක් සකස් කරන්න පුලුවන් වගේම අක්ෂර වෙනස් වෙන විදියටත් input mask එකක් නිර්මාණය කරන්න බැරිද කියන එක. විචල්‍යය ඉලක්කම් එක්ක input mask එකට විචල්‍යය අක්ෂරත් එකතු කරන්න ඕනෙ නම් මොකටද input mask එකක් ! ! ! field එකේ data type එක text විදියට දීල ඒක කරන්න පුලුවන්නෙ. නමුත් ඒකට පිළිතුරක් තියෙනවා.)